Jeroen de Vries start Omloop fan Blauhûs
Blauhûs - Snein 28 april organisearret de Wielerkommisje Blauhûs alwer foar de 6e kear de ‘Omloop fan Blauhûs’. Organisator Koos Rijpma: “ferline jier wie in topjier mei mar leafst 125 dielnimmers, dat mei om my wol tradysje wurde”. Njonken de offisjele A en B kategory kin yn Blauhûs ek ‘opkommend talint’ meidwaan yn de C kategory.
It publyk kin de wedstriid prima folgje, sawol by de start – finish yn Blauhûs, as oan de rûte. Omropper Rein Brandsma docht wer ferslach fanút de hege tsjerketoer fan Blauhûs, wêr hy rom sicht hat op in grut part fan it parkoers. Der binne snein foldwaande ferkearsregelaar op de baan. Frijwilliger Niek Regnery fan Abbegea: “de gearwurking mei de Blauhúster kommisje is prima. Sy helpe ús by de Boereloop en wy harren by de Omloop”.
It ynskriuwen snein yn Sportseal de Singel fan Blauhûs. Oan de rûte wurde lotten ferkocht, de opbringst giet nei Belarus Untwikkelingswurk. De priisútrikking wurdt dien troch Karnavals Page Berdien Galama. De Omloop wurdt organisearre yn gearwurking mei Wielervereniging Sneek en mei mooglik makke troch in grut tal sponsers en frijwilligers.
