Toanielferiening Fuort Mar Los Easterein bestiet 40 jier
De útfieringen binne op freed 16 maart om 20:00 oere en sneon 17 maart om 20:00 oere yn de seal fan Restaurant Partycentrum Noflik Easterein, Sibadawei 2 te Easterein. Eltsenien is fan herte wolkom foar in noflike jûn. De tagong kostet € 7,50 (bern €3,-). Op sneon 17 maart is der ek noch in ferlotting mei moaie prizen en nei ôfrin is der in stik muzyk fan de band Hayfever. Mei in grut repertoire fan rock n roll en sixties muzyk wurd it gegarandeard feest! Mar dit is noch net alles… Ek de jongerein fan Easterein sil dit jier wer in stik del sette.
It stik ‘Wat in heide, heite’ fan Roel Klompmaker is bewurke troch Theresia Zeinstra en wurdt yn Easterein spile ûnder de namme ‘Wat in greide, heite!’. It is in fleurich stik mei oandacht foar de natoer. De jongelju sille op in frijwilligerswurkkamp ta behâld fan de Fryske natoer. Se kampeare 14 dagen yn’e greide, dit is it moetingsplak, dêr’t wy mei harren yn’e kunde komme. It giet oer hoe’t in ferskaat oan jonge minsken funksjonearret yn sa’n fakânsjeploech. Yn in oantal sênes komt dit op boartlike wize yn syn earnst en humor oan’e oarder. In protte entûsjaste spilers sille der foar soargje dat jo in pracht jûn ha!
Kom op freed 23 maart om 19.30 oere yn de seal fan Restaurant Partycentrum Noflik Easterein, Sibadawei 2 te Easterein. Tagong bern: €3,- . Folwoeksenen: € 5,-.
Lees ook
